25%

25%

50%

Do Guay | Ninfuninfa | Ao puaf

Nosotros procuraremos estar atentos y traer a cuento las "otras noticias" de ese maremagnum en el que tratamos de alcanzar las orillas de la comunicación a través de la navegación por estos mares hedonistas, vuelos a ras de lo "topo secret", incursiones por las bodegas, las despensas y las cocinas, o de lo que se cocina entre despachos y hasta entre sábanas... apreciaciones; indagad en nuestro pensamiento, opinión, parecer o criterio.., aprovechando que, además, es gratis.

¿Como "DIS" que dices?

[MdM] Novos conceptos no marketing hostaleiro

Hai moitos factores que inflúen nun cliente á hora de elixir un establecemento hoteleiro e/ou un destino vacacional e aínda que, cada vez máis, o prezo ten un peso específico nas nosas decisións, non é menos certo que ás veces nos movemos por impulsos máis "racionais", como son a calidade do establecemento en cuestión ou que servizos nos ofrece. Por iso, non é de extrañar que nazan hoteis que van un pouco máis alá da oferta tradicional para tentar atraer aos clientes, e máis en época de crise económica. Por exemplo, en Donosti vén de abrir un hotel adicado ao cine. Cada unha das súas 102 habitacións lembra a unha coñecida estrela da séptima arte, tanto actores como directores. Eu pediríame, se puidese elixir, a adicada a Alfred Hitchcock. Non sei, pero quizais me reservase algunha sorpresa engadida…

Máis ao sur, en Cádiz, a Deputación Provincial inaugurou como hotel o Alcázar, unha fortaleza medieval situada nun enclave histórico -Castellar de La Frontera- e nun recinto amurallado a 248 metros de altura. Como para sentirse un conquistador!. E outra excentricidade é a conversión en hotel do avión do ex presidente alemán Enric Honecker. Abre as súas "portas" este verán cunha soa habitación de luxo. O cuarto está ubicado na fuselaxe e dispón de aire acondicionado, bañeira de hidromasaxe, sauna, tres pantallas de televisión, cociña e conexión a internet, entre outras prestacións. A mellor forma de perderlle o medo aos avións!

Famoseo. De todos é coñecida a atracción que esperta a gastronomía nos "famosos" e, de feito, son múltiples as celebridades que se deixaron engaiolar por este mundo e decidiron investir os seus cartos en negocios relacionados coa hostalería. Un dos últimos en sumarse a esta tendencia é Robert de Niro, que inaugurou un restaurante de cociña xaponesa en Moscú. E outra que se suma ao carro é Kate Moss, que anuncia que sacará ao mercado un libro de cociña no que recollerá as súas receitas xudías favoritas. Ela está encantada -segundo din os seus achegados- porque sería a primeira supermodelo que escribe un libro de cociña. "Veo tan doado que está moi ilusionada", din os amigos. Algo máis de vergonza non lle viña mal á rapaza.

Outra beleza apaixoada pola gastronomía, e por España, é Gwyneth Paltrow, protagonista da serie “Spain on the road again” que emite Viajar este verán. A actriz, coñecida polas súas intervención en Seven ou Shakespeare in love, entre outras, percorreu España de fogón en fogón cos mellores cociñeiros do país e do mundo, un traballo que calquera querería para si...

Tamén sabemos doutros famosos que se pasearán por Galicia nas vindeiras datas. Trátase dos actores Martin Sheen e Emilio Estévez que rodarán “The Way” en setembro. Pai e fillo -con orixes no concello pontevedrés de Salceda de Caselas- protagonizarán esta película baseada nas peregrinacións a Compostela, cunha rodaxe que comezará na localidade francesa de Sant Jean Pied de Port. Concluirá en novembro en Fisterra e narra a historia dun viúvo que acude a España para recoñecer o cadáver do seu fillo e esparexer as súas cinzas en Santiago. O filme foi definido, nos Estados Unidos, como unha visión moderna do Mago de Oz.

E como estes martinis me saíron tan cargados de celebrities finalizo facendo referencia a “O libro das ilusións”, unha homenaxe a Ferrán Adriá ideada polo compositor francés Bruno Mantovani. Cociña de vangarda con música de cámara. Apetecible!

[Imprimir]